نصيحه

ازاى تستخدم اول 3 شهور فى الشغل :

- اعرف الناس اللى شغاله معاك و هيفيدوك والا يضروك

- قيم الشركه و عدد الناس اللى شغالين

- اعرف مرتبك انهارده كام و بكره كام

- لو من اول 3 شهور ابتديت تيجى على نفسك علشان الشغل اعرف انك حبيت الشغل جدا بس لازم تحط فى اعتبارك انك هتيجى على نفسك كتير و ممكن متلاقيش نتيجه فى المقابل

- اتفاخر جدا بانك عملت كذا و كذا زياده عن شغلك مع انك مش مطالب تعمل اللى عملته علشان هيجى اليوم اللى هيحسسوك فيه انك مقصر و فى النهايه انت بينك و بين نفسك عارف انت عملت ايه و معملتش ايه و دى اهم حاجه

- دايما ادى اقصى ما عندك و اسعى انك تزيد عليه بدون مقابل فى النهايه على قد تعبك هتجنى سواء معلومه او زياده او حتى معنويا

- فى الاخر متخافش انك تسيب المكان رزقك هيجرى وراك و هدفك هيتحقق فى اى مكان طول م انت بتتعب تعبك هيبقى ليه مقابل لو مش انهارده يبقى بكره بس متجيش على نفسك لبعد بكره

- دايما الحياه بتضغط علينا و تخلينا نختار حاجه على حاجه سواء الشغل او بيتك .. الشغل او اصحابك .. و حاجات تانيه كتير اختار صح و انت و نصيبك .. بس من وجهه نظرى دايما اختار الشغل اتعب و انت صغير و اكبر استمتع ببيتك و اهلك و اصحابك (ربنا يديهم طوله العمر)

- خليك دايما متمسك بحلمك و متخليش اى حاجه تحودك عن الحلم ده بس متبقاش عبيط فى النهايه فى حاجات مبتتغيرش و هتفضل زى ماهيه .. دايما اعرف انك ممكن تحقق حلمك فى مكان تانى و الابواب كتير

اهم 3 شهور فى الشغل