نظره بسيطه و هتعدى بس عميقه
الاغلبيه العظمى فى الشعب فئه بسيطه ذات تفكير محدود الى حد كبير و ده احد اسباب العشوائيه اللى فيها البلد لو بصيت لاى حد هتلاقى ان المبادئ اللى عايشين عليها غلط .. كلمه بسيطه زى سهله سهله هتعدى عميقه فى معناها ان عادى يعنى متدققش فى التفاصيل و خليها كده لحد لما حد يكتشفها و ساعتها نبقا نصلحها و ده طبعا بيسبب مشاكل و عشوائيه كبيره جدا .. يعنى مثلا تخيل اللى نازلين يصلحو جزء فى اسفلت الشارع و جزء متعملش صح فالمشرف يقلهم عيدو الجزء ده او حتى واحد منهم مش لازم مشرف و تلاقى الرد سهله سهله هتعدى .. شوف بقا كم الناس اللى هتضر من الموضوع ده و قيس ده على كل حاجه فى حياتنا من الناس اللى ماشيه بمبدا سهله سهله و هتعدى .. سواء فى الشغل او النظافه او التعليم او الصحه الخ .. الشعب ده بسيط بزياده
No comments:
Post a Comment